പൊതു ജനങ്ങളുമായുള്ള സർക്കാരിന്റെ ആശയ വിനിമയങ്ങളെല്ലാം തന്നെ സാധ്യമാകുന്നത് ജില്ലാ തലത്തിലാണ് .അതിനാൽ ജില്ലകളാണ് സർക്കാർ സേവനങ്ങൾ കാര്യക്ഷമമായി നടപ്പിലാക്കുന്നത് .പൊതുജന സേവനങ്ങൾ കാര്യക്ഷമമായി അതിരുകളില്ലാതെ പൊതു ജനങ്ങൾക്ക് ലഭിക്കുവാൻ വേണ്ടി ഇന്ത്യാ ഗവൺമെന്റ് 2010 ൽ നടപ്പിലാക്കിയ പദ്ധതിയാണ് ഇ-ഡിസ്ട്രിക്ട്. ഈ പദ്ധതിയിലൂടെ ജില്ലാ വകുപ്പുകളുടെ പ്രവർത്തനം പുനഃസംഘടിപ്പിക്കാനും ,പൊതു ജനങ്ങൾക്ക് മികച്ച സേവനം നൽകുവാനും കഴിയുന്നു. ഇതേ കാഴ്ചപ്പാടിൽ സുതാര്യമായും സമഗ്രമായും വിവരങ്ങൾ പൊതു ജനങ്ങളിലെത്തിക്കുവാൻ കേരള സർക്കാർ തുടങ്ങിയ ഓൺലൈൻ പ്ലാറ്റ്ഫോമാണ് ഇ- ഡിസ്ട്രിക്ട് .ഈ പദ്ധതിയിലൂടെ സർക്കാർ സേവനങ്ങൾ പരമാവധി വേഗത്തിൽ പൊതുജനങ്ങൾക്ക് ലഭ്യമാക്കുവാൻ സാധിക്കുന്നു . https://edistrict.kerala.gov.in എന്ന പോർട്ടലിൽ കൂടി 24 *7 മണിക്കൂറും സേവനങ്ങൾ ലഭിക്കുന്നു. ഈ പോർട്ടൽ കൈകാര്യം ചെയ്യുന്നത് കേരള സ്റ്റേറ്റ് ഐ ടി മിഷൻ ആണ് .
ഇ-ഡിസ്ട്രിക്ട് വഴി ലഭ്യമാകുന്ന സേവനങ്ങൾ താഴെപ്പറയുന്നവയാണ്
-
റവന്യൂ വകുപ്പ് വഴി ലഭിക്കുന്ന 25 തരം സർട്ടിഫിക്കറ്റുകൾ
-
വിവരാവകാശ സേവനങ്ങൾ
-
പൊതുജന പരാതിയുമായി ബന്ധപ്പെട്ട സേവനങ്ങൾ
-
പണമിടപാട് സേവനങ്ങൾ -യൂട്ടിലിറ്റി പണമിടപാടുകൾ ,കാലിക്കറ്റ്, കേരള യൂണിവേഴ്സിറ്റി സേവനങ്ങൾ ,ക്ഷേമനിധി ഫീസ് ഇടപാടുകൾ ,പോലീസ് വകുപ്പ് പണമിടപാടുകൾ, മോട്ടോർ വാഹന തൊഴിലാളി ക്ഷേമ നിധിയുടെ പണമിടപാടുകൾ
-
റവന്യൂ കോടതി കേസുകൾ
-
ഫോറസ്റ്റ് വകുപ്പിന്റെ വന്യജീവി ആക്രമണം മൂലമുണ്ടാകുന്ന നാശനഷ്ടം സംബന്ധിച്ച സേവനങ്ങൾ
ഇ-ഡിസ്ട്രിക്ട് കേരളത്തിൽ
-
ഓരോ വർഷവും 85 ലക്ഷത്തിൽ പരം സർട്ടിഫിക്കറ്റ് ഇടപാടുകൾ
-
ഓരോ വർഷവും 40 ലക്ഷത്തിൽ പരം പണമിടപാടുകൾ
-
പുതിയ സേവനങ്ങളുടെ സംയോജനം
-
സംസ്ഥാനത്തുടനീളമുള്ള ഓഫീസുകൾ ഓൺലൈനിൽ - 14 ജില്ല,1600 ൽ പരം വില്ലേജ്/താലൂക്ക് ഓഫീസുകൾ , പഞ്ചായത്ത് ഓഫീസുകൾ , ഡിവിഷണൽ ഫോറസ്റ്റ് ഓഫീസുകൾ എന്നിവ ഉൾപ്പെടുന്നു .
-
2600 ൽപരം അക്ഷയ സെന്ററുകൾ ,14 ഫ്രണ്ട്സ് സേവന കേന്ദ്രങ്ങൾ എന്നിവ സേവനങ്ങൾ നൽകുന്ന മാധ്യമങ്ങളായി പ്രവർത്തിക്കുന്നു .
-
3000 ൽപരം വകുപ്പ് ഉപയോക്താക്കൾ ,2600 ൽപരം അക്ഷയ ഉപയോക്താക്കളും ഉൾപ്പെടുന്നു
-
4 കോടിയിലധികം ഇടപാടുകൾ